Qazaqstandyq boksshylar Islam oıyndaryn úshinshi orynda aıaqtady
ASTANA. QazAqparat - Qazaqstandyq boksshylar Bakýde ótip jatqan Islam yntymaqtastyǵy oıyndaryndaǵy jarystaryn aıaqtady, dep habarlaıdy QazAqparat.
Qazaqstan eki altyn jáne úsh qola medalmen jalpy esepte úshinshi orynǵa taban tiredi. Buǵan deıin habarlaǵanymyzdaı, «altyndy» Azat Mahmetov (52 kg) pen Tursynbaı Qulahmet (75 kg) ıelense, «qolany» Sultan Zaýrbek (60 kg), Qýan Qýatov (64 kg) pen Ilıa Ochkın (69 kg) qanaǵat tutty.
Jalpy komandalyq esepte birinshi oryndy - Ázerbaıjan, ekinshi oryndy Ózbekstan sportshylary aldy. Úzdik bestikte Sırııa men Túrikmenstan bar.
1. Ázerbaıjan - 3-3-1
2. Ózbekstan - 3-0-2
3. Qazaqstan - 2-0-3
4. Sırııa - 1-1-2
5. Túrikmenstan - 1-1-1
Ulttyq shtattyq komandalar jáne sport rezervi dırektsııasynan habarlaǵandaı, 19 mamyr kúni (saǵat 18.00) Bakýden Almaty qalasyna Islam yntymaqtastyǵy oıyndarynda boks pen taekvondodan óner kórsetken sportshylar ushyp keledi.
Olardyń arasynda taekvondodan kúmis júldegerler Aınur Esbergenova men Álimjan Serikbaev, sondaı-aq qol medal ıegeri Jansel Denız bar. Boksshylar qatarynda - Azat Mahmetov, Tursynbaı Qulahmet, Sultan Zaýrbek, Qýan Qýatov pen Ilıa Ochkın.
Aıta keteıik, Ázerbaıjanda 4-Islam yntymaqtastyq oıyndary jalǵasýda. Qazaqstan qorjynynda ázirge 10 medal bar (2 altyn, 2 kúmis jáne 6 qola).
