Qazaqstandyq boksshylar halyqaralyq týrnırdiń fınalyna shyqty

NUR-SULTAN. QazAqparat - Germanııanyń Keln qalasynda halyqaralyq boks týrnıriniń fınalyna shyqqan qazaqstandyq sportshylar belgili boldy, dep habarlaıdy QazAqparat Olympic.kz-ke silteme jasap.

Jarystyń kezekti kúninde 52 kelide Sáken Bıbosynov jartylaı fınalda qarsylasynyń sharshy alańǵa shyqpaýy sebepti fınalǵa joldama aldy. Aǵaıyndy Aıbek pen Nurbek jarystaǵy jeńisti jolyn jalǵastyryp kele jatyr. Aıbek 81 kelide, Nurbek 91 kelide fınalda judyryqtasady. 57 kelide Orazbek Asylqulov jartylaı fınalda kezekti qarsylasyn utyp, fınalǵa shyqty. Sonymen qatar, jarystyń keshki sessııasynda qurama kapıtany Qamshybek Qońqabaı (+91 kg) men Ertýǵan Zeınýllınov (63 kg) altyn úshin jekpe-jek ótkizedi.