Qazaqstandyq boksshylar halyqaralyq týrnırde úsh altyn aldy

ASTANA. QazAqparat - Majarstannyń Debretsen qalasynda bokstan Ishtvan Bochkaıdy eske alýǵa arnalǵan halyqaralyq týrnır máresine jetti. Atalmysh týrnırde qazaqstandyq úsh bylǵary qolǵap sheberi chempıon atandy, dep habarlaıdy QazAqparat tilshisi Qazaqstan boks federatsııasyna silteme jasap.

Halyqaralyq týrnırde Sáken Bıbosynov (52 keli), Serik Temirjanov (60 keli) jáne Qulahmet Tursynbaı (75 keli) altynnan alqa taqty.

Sáken Bıbosynov aqtyq saıysta ýkraın Igor Solınskıımen qolǵap túıistirdi. Tóreshiler sheshimimen jeńis bizdiń boksshyǵa buıyrdy.

Al Serik Temirjanov fınalda Taılandtan kelgen Djýntrong Rýdjaýkranmen sheberlik baıqasqan edi. Bul kezdesýde bizdiń bylǵary qolǵap sheberiniń basymdyǵy aıqyn ańǵaryldy.

75 kelide synǵa túsken Qulahmet Tursynbaı sharshy alańda shıraq qımyldaı bildi. Tóreshilerdiń biraýyzdan sheshimimen ol polıak boksshysy Bartosh Golebıvskıdi jeńdi.

Aqtyq saıysqa shyqqan taǵy bir jerlesimiz Orazbek Asylqulov sońǵy sátte syr berip qoıdy. Ol Samýel Kıstoharrıge jeńilip qaldy. Al jartylaı fınalda ýkraınalyq qarsylasy Aleksandr Melenıýkke ese jibergen Sabyrjan Bekbergenov qola júldege qol sozdy.

Atalmysh jarysta Serik Temirjanov týrnırdiń úzdik oıynshysy atandy.

Jalpy komandalyq esepte Qazaqstan ekinshi oryn aldy. Birinshi orynǵa Reseı, úshinshi oryn Majarstan quramasy jaıǵasty.