Qazaqstandyq boksshylar Germanııada ótken halyqaralyq týrnırde úsh altyn, kúmis jáne qola medaldar jeńip aldy
ASTANA. Aqpannyń 24-i. QazAqparat - Aqpannyń 17-23-i aralyǵynda Germanııanyń Oderdegi Frankfýrt qalasynda ótken jastar arasyndaǵy «Bradenbýrg kýbogy» halyqaralyq týrnırinde qazaqstandyq boksshylar úsh altyn, kúmis jáne qola medaldar jeńip aldy,
dep habarlady Sport komıtetiniń shtattyq ulttyq komandalar men sporttyq rezervter dırektsııasynyń baspasóz qyzmetinen.
48 kelige deıingi salmaqta almatylyq Ánýar Muzaparov jeńimpaz atandy. Ol sondaı-aq, týrnırdiń úzdik boksshysy atandy. Al 54 kelige deıingi salmaqta joǵarǵy tuǵyrǵa qaraǵandylyq Rýslan Mádıev kóterildi. Al 81 kelige deıingi salmaqta tarazdyq Arbek Ábdiǵanıev chempıon atandy.
51 kelige deıingi salmaqta tek aqtyq jekpe-jekte ǵana qarsylasyna ese jibergen astanalyq Nurlan Ábjanov «kúmisti» qanjyǵalasa, 69 kelige deıingi salmaqta Jánibek Álimhanuly (Almaty oblysy) «qola» júldeni qanaǵat tutty.
Halyqaralyq týrnırge álemniń 17 elinen 98 bylǵary qolǵap sheberi qatysty.
