Qazaqstandyq boksshylar Djakartada ótken halyqaralyq týrnırde eki medal oljalady
ASTANA. 11 shilde. QazAqparat - Qazaqstandyq boksshylar Djakartada ótken halyqaralyq týrnırde eki medal oljalady, dep habarlady Qazaqstan Boks federatsııasynyń baspasóz qyzmetinen.
Indonezııada bokstan el Prezıdentiniń kýbogy úshin ótken halyqaralyq týrnırge úsh qazaqstandyq sportshy - bokstan oblystyq qurama komandalardyń ókilderi qatysty. Olar - Qanat Turǵanbaev (52 keli), Eldos Saıdalın (60 keli), Dýman Súleımenov (64 keli). Qazaqstandyqtar alys Djakartadan eki medal qanjyǵalap qaıtty. Qanat Turǵanbaev - kúmis, Eldos Saıdalın qola medal jeńip aldy. Týrnırge álemniń 28 elinen sportshylar qatysty.
