Qazaqstandyq boksshylar Azııa men Eýropa halyqaralyq týrnırlerinde jalpykomandalyq esepte birinshi orynǵa shyqty
ASTANA. 18 narýyz. QazAqparat - Ótken demalys kúnderi qazaqstandyq boksshylar úshin óte tabysty boldy. Olar Azııa jáne Eýropa halyqaralyq týrnırlerinde jalpykomandalyq esepte birinshi orynǵa shyqty. Bul jeńiske elordalyq boks mektebi tárbıelenýshileriniń qosqan úlesi zor, dep habarlady Astana qalasynyń resmı saıty.
Naýryzdyń 10-y men 17-si aralyǵynda Fılıppınde ótken bokstan Azııa chempıonatynda Astana qalasyndaǵy Olımpıada daıyndyǵy ortalyǵynyń jas talantty tárbıelenýshisi Ádilet Orynbasarov 81 kelige deıingi salmaq dárejesinde Azııa chempıony atandy. Qurlyq birinshiliginiń fınalynda Ádilet Iran ókili Sıavash Omıdıdi 15:11 esebimen tize búktirip, birinshi oryndy ıelendi. Ol tek osy jyldyń aqpan aıynda ǵana Qazaqstan chempıony atanyp, eldiń jastar quramasy sapyna engen bolatyn. Jeke jattyqtyrýshysy - Abzal Qudasov. Sondaı-aq, Azııa chempıonatynda taǵy da úsh qazaqstandyq boksshy - Qanat Kóptileýov (56 kg), Aıtjan Shleev (69 kg) jáne Tursynbaı Qulahmet (75 kg) jeńimpaz atandy. Bir kúmis medal - Aıbek Ermetovtyń (91 kg) qanjyǵasynda.
Qazaqstandyq bylǵary qolǵap sheberleri Chehııada ótken halyqaralyq týrnırde de Gran-Prı aldy. Ýstı-nad-Labeden alǵashqy fınaldyq jeńisin Qazaqstan chempıony, elordalyq boksshy Іlııas Súleımenov jetkizdi. Ol qytaılyq Maı Kınksıksıandy 16:10 esebimen esh qıyndyqsyz tize búktirgen. Týrnır barysynda Іlııas asqan sheberlikpen resseılik Ovık Oganesıannan 13:11 esebimen, eki dúrkin olımpıada júldegeri ırlandııalyq Peddı Barnstan, tájirıbeli serb boksshysy Mılosh Baltıchtan basym tústi. Іlııas Súleımenov Astana joǵary sporttyq sheberlik mektebiniń tárbıelenýshisi bolyp tabylady. Aqylbek Nurmaǵambetovtiń qol astynda jattyǵady
Londondaǵy Olımpıadanyń kúmis júldegeri Ádilbek Nııazymbetov (81 kg) pen Olımpıada-2012 qola júldegeri Ivan Dychko (+91 kg) da týrnır chempıony atandy. Eki týrnırde de Qazaqstan quramasy jalpykomandalyq esepte birinshi orynǵa shyqty.
