Qazaqstandyq boksshylar Azııa chempıonatynda komandaǵa 11 medal syılady
ASTANA. QazAqparat - Tashkentte jastar arasyndaǵy boks boıynsha Azııa chempıonatynda 13 qazaqstandyq boksshynyń 11-i jartylaı fınalǵa shyqty, osylaısha komandanyń nagrada alýyna kepil boldy.
Bul týraly Qazaqstandyq boks federatsııasy habarlady.
Sońǵy shırek fınal kúni Geıdar Álıev jastar kýbogynyń kúmis júldegeri eń jas qatysýshylardyń biri 15 jastaǵy Aıbek Dosanov (46 keli) Taılandtan kelgen qarsylasyn jeńdi.
50 kelige deıingi sanatta óner kórsetken Ońtústik Qazaqstan týmasy Dáýlet Nysandy sarapshylar qazaqstandyq jastar işindegi úzdik boksshy dep atady. Shırek fınalda boıy uzyn Iran chempıony qansha qarsylasyp baqsa da Dáýlet qýatty soqqylarymen oǵan esh múmkindik qaldyrmady.
Jartylaı fınalǵa sońǵy bolyp 16 jastaǵy Abylaı Ybyraımov shyqty. 60 kelige deıingi sanatta ol Iordanııadan kelgen sportshyǵa qarsy aıqasta barlyq raýndty óz paıdasyna sheshti. Keleside túrkimen boksshysymen baq synasady.
Dosanov, Nysan, Ybyraımovtan basqa Azııa chempıonatynda medal úshin Rahat Seıitjanov (48 keli), Sanatáli Toltaev (54 keli), Aıbol Jańbyrbaı (63 keli), Aldııar Tursynáli (66 keli), Dáýlet Zaýshev (70 keli), Elhan Tabynbaev (75), Hýrshedshoh Iskandarov (80 keli) jáne Nurdáýlet Ulanuly (+80 keli) kúresti jalǵastyrýda.
