Qazaqstandyq boksshylar Azııa chempıonatyn sátti ótkizýde
ALMATY. 4 shilde. QazAqparat - Iordanııanyń Amman qalasynda bokstan 27-shi Azııa chempıonaty ótýde. Onda el namysyn qorǵap jatqan bylǵary qolǵap sheberleri keshe 4 kezdesý ótkizip,
bárinde de mereıleri ústem boldy. Atap aıtqanda, Temirtas Júsipov qyrǵyzstandyq Týrat Osmonovty (49 kg), Mereı Aqshalov kýveıttik Alı Mýzafardy (64 kg), Danııar Eleýsinov ıraktyq Vıssam Jabardy (69 kg), Jánibek Álimhanuly ózbekstandyq Shýhrat Abdýllaevty (75 kg) qapy qaldyrdy. Búgin Qaırat Eralıev fılıppındik Marıo Fernandespen (56 kg), Berik Ábdirahmanov ıraktyq Ganım Amımen (60 kg), Ádilbek Nııazymbetov ıordanııalyq Jıhad Abý al Hırmen (81 kg), Ivan Dychko úndistandyq Satısh Kýmarmen (+91 kg) kúsh synasady.
2011 jyly Koreıanyń Inchhon qalasynda ótken sońǵy Azııa chempıonatynda Qazaqstan quramasy komandalyq esepte 2 altyn, 2 kúmis, 1 qola medalmen ekinshi oryn alǵan bolatyn. 1 kúmisi artyq qytaılyqtar birinshi, 1 kúmisi kem jarys qojaıyndary úzdik úshtikti túıindegen edi. Onda qazaqstandyqtardan Aıdar Ámirzaqov (60 kg) pen Dosjan Ospanov (+91 kg) Azııa chempıony, al Rústem Svaev (69 kg) - kúmis, Arman Rysbek (81 kg) qola júldeger atanǵan bolatyn.
