Qazaqstandyq boksshylar Anton Pınchýk pen Ivan Dychko Azııa chempıonatynyń jartylaı fınalyna shyqty

Bul týraly Qazaqstan boks federatsııasynyń baspasóz habarlamasynda jazylǵan.

Elimizdiń ulttyq quramasyndaǵy taǵy 7 sportshy aldyn ala jekpe-jek kezeńiniń sońǵy kezdesýin jeńispen aıaqtady.

Búgin, 5 shilde kúni básekeniń 1/4 synynda aıqasty Temirtas Júsipov (49 keli), Qaırat Eralıev (56 keli), Berik Ábdirahmanov (60 keli), Mereı Aqshalov (64 keli), Danııar Eleýsinov (69 keli), Jánibek Álimhanuly (75 keli), Ádilbek Nııazymbetov (81 keli) jalǵastyrady.

1 shildede Amman (Iordanııa) qalasynda bastalǵan bokstan Azııa chempıonatyna qurlyqtyń 27 memleketinen 163 sportshy ózara baq synasýda.

Jartylaı fınaldyq jarystar 7 shilde kúni ótse, 8 shildede qurlyqtyń eń myqty bylǵary qolǵap sheberleri anyqtalatyn bolady.