Qazaqstandyq boksshylar Almatyda tıtýldyq jekpe-jek ótkizedi

ALMATY. QazAqparat – Qazaqstan boksshylary 11 jeltoqsan kúni Almatyda ótetin keshte birden úsh tıtýldy aıqas ótkizedi, dep habarlaıdy QazAqparat tilshisi.

Boks keshiniń uıymdastyrýshysy Movida promotions málimetine súıensek, basty jekpe-jekte birinshi jartylaı orta salmaqtaǵy Janqosh Turarov pen Lýıs Enrıke Romero jartylaı orta salmaqtaǵy IBO Intercontinental chempıony ataǵyn sarapqa salady.

Jeńil salmaqtaǵy qazaqstandyq boksshy Angelına Lýkas UBO nusqasy boıynsha álem chempıony tıtýly úshin tanzanııalyq Lýlý Kaıadjemen kezdesedi.

Al orta salmaqtaǵy Elhan Tabynbaev WBC Intercontinental beldigi úshin brazılııalyq Mateýs da Sılvamen judyryqtasady.

Erkebulan Toqtar men Arman Áshimov kásipqoı bokstaǵy alǵashqy jekpe-jekterin ótkizedi. Toqtar ırandyq Amır ıAranımen kezdesedi. Áshimov alty jekpe-jeginde úsh jeńiske jetken tájirıbeli Býhýtı Tatıshvılımen rıngke shyǵady. Olardan bólek, qazaqstandyq Álıhan Túlenbaev, Adlan Selmurzaev, Shynarbek Batınuly óner kórsetedi.

Boks keshi «Almaty Arena» sport kesheninde ótedi.

Ashyq kózderden alynǵan foto