Qazaqstandyq boksshylar álemdik reıtıngte AQSh-taǵy jeńisterinen keıin joǵary kóterildi
NUR-SULTAN. QazAqparat -Qazaqstandyq boksshylar Serik Musádilov (9-0, 9 KO) pen Nıkolaı Shvab (6-0, 3 KO) Boxrec.com portalynyń reıtınginde óz pozıtsııalaryn jaqsartty, dep habarlaıdy QazAqparat Sports.kz-ke silteme jasap.
Ekeýi de búgin tańerteń Maıamıde (AQSh) aıqasty. Musádilov birinshi raýndta-aq amerıkalyq Kevın Braýndy (2-15, 1 KO) nokaýtqa jiberip, birinshi aýyr salmaqtaǵy reıtıngte 219-orynǵa kóterildi .
Al Shvab meksıkalyq boksshy Karlos Hımenespen (1-1-1, 0 KO) jekpe-jekke shyqty Alty raýndtyń qorytyndysy boıynsha tóreshilerdiń biraýyzdan qabyldaǵan sheshiminen keıin jeńis qazaqstandyqqa berildi. Qazir Shvab BoxRec jeńil salmaǵynda 843 orynda tur.
Serik Musádilov pen Nıkolaı Shvab úshin bulardyń 2021 jylǵy alǵashqy aıqastary bolǵanyn aıta ketken jón.
