Qazaqstandyq boksshylar Albanııada ótken halyqaralyq týrnırden bes altyn medal oljalap qaıtty
ASTANA 6 sáýir. QazAqparat - Qazaqstandyq boksshylar Albanııanyń Shkoder qalasynda ótken «Vlaznıany eske alý-2011» bokstan erler arasyndaǵy halyqaralyq týrnırinen bes altyn oljalap qaıtty.
Bul týraly Qazaqstannyń boks federatsııasynan habarlady.
Halyqaralyq týrnırge 8 elden sportshylar qatysty. Baıraqty dodada Qazaqstannyń namysyn ulttyq quramanyń 9 boksshysy qorǵady. Olar - Nursultan Kósheǵulov (52 kelige deıin), Danııar Tólegenov (56 keli), Aıdar Ámirzaqov (60 keli), Aıdar Sharıbaev (64 keli), Rústem Sybaev (69 keli), Danııar Eleýsinov (75 keli), Almat Serimov (81 keli), Danııar Ústembaev (91 keli) jáne Dosjan Ospanov (+91 keli).
Tartysty ótken jarystyń nátıjesinde bylǵary qolǵap sheberlerimiz qanjyǵalaryna bes altyndy baılap qaıtty. Olar - 2009 jyldyń chempıony, Mońǵolııa boksshysyn jeńgen N.Kósheǵulov, taǵy bir mońǵoldyq sportshyny utqan D.Tólegenov, Indonezııa eliniń boksshysyn oısyrata jeńgen A.Ámirzaqov, makedonııalyqty nokaýtqa jibergen D.Eleýsinov jáne ıtalıandyq boksshyǵa des bermegen D.Ospanovtar.
Aıta keteıik, týrnırge qatysqan qazaqstandyq boksshylardyń arasynda oljasyz oralǵandary joq. Máselen, A.Serimov pen D.Ústembaev - kúmis, A.Sháribaev pen R.Svaev - qola medaldardy ıelendi.
