Qazaqstandyq boksshy jeńisten keıin reıtıngte 231 saty joǵarylady
ASTANA. QazAqparat - Orta salmaqta óner kórsetetin qazaqstandyq kásipqoı boksshy Arman Rysbek (3-0, 2 KO) úshinshi jeńisine qol jetkizdi, dep habarlaıdy Sports.kz.
Argentınanyń Avelıaneda qalasynda ótken boks keshinde ol jergilikti bylǵary qolǵap sheberi Honatan Esekelıa Agırreni (3-4, 0 KO) 4 raýndtyq kezdesýdiń alǵashqy raýndynda-aq sulatyp saldy. Bul jeńisten keıin qazaq jigiti BoxRec.com saıtynyń reıtınginde óz salmaǵy boıynsha 231 saty joǵarylap, qazir 464-orynda tur.
Buǵan deıin onyń menedjeri Farhad Sharıpov Armannyń kelesi kezdesýi 6 sáýir kúni Argentınanyń Kılmes qalasynda ótetinin aıtqan. Qarsylasynyń esimi ázirshe jarııalanǵan joq.
