Qazaqstandyq boksshy WBO reıtınginiń úzdik bestigine endi
NUR-SULTAN. QazAqparat - Dúnıejúzilik boks uıymy (WBO) 2021 jylǵy barlyq salmaq dárejesindegi reıtıngterdiń sońǵy nusqasyn usyndy, dep habarlaıdy QazAqparat Sports.kz saıtyna silteme jasap.
Nazarlaryńyzǵa Qazaqstan boksshylarynyń ustanymdaryn usynamyz:
Ekinshi orta salmaqta Aıdos Erbosynuly altynshy orynnan besinshi orynǵa kóterildi. Bul dıvızıondaǵy TOP-3 brıtandyq Zak Parker, AQSh-tan kelgen Devıd Benavıdes jáne kanadalyq boksshy Devıd Leme. WBO álem chempıony meksıkalyq Saýl «Kanelo» Alvareske tıesili. Orta sanatta Jánibek Álimhanuly meksıkalyq Haıma Mýngııadan keıin ekinshi orynda qaldy. Úshinshisi-Brazılııalyq Eskıva Falkao. Qanat Islam besinshi orynnan segizinshi orynǵa syrǵydy. WBO álem chempıony - AQSh-tan kelgen Demetrıýs Andrade.
15-orynǵa taban tiregen boksshy Sultan Záýirbek 14-orynǵa turaqtady. Alǵashqy úshtikti Ulybrıtanııadan kelgen Archı Sharp, tájik Mýhammadhýja ıAkýbov pen AQSh-tan Abraham Novaı qurady. Álem chempıony – AQSh-tyń taǵy bir boksshysy Shakýr Stıvenson.
