Qazaqstandyq boksshy WBC tıtýly úshin jeńilip kórmegen qarsylaspen jekpe-jek ótkizedi

ASTANA. QazAqparat - Jeńilip kórmegen qazaq boksshysy Elhan Tabynbaev (5-0, 3 KO) kelesi jekpe-jeginiń kúnin anyqtady, dep habarlaıdy QazAqparat Sports.kz-ke silteme jasap.

BoxRec.com saıtynyń habarlaýynsha, Elhan Tabynbaevtyń kelesi jekpe-jegi 11 jeltoqsan kúni Almatyda ótedi. Qarsylas brazılııalyq Mateýs Da Sılva (7-0, 3 KO) bolady. Boksshylar jartylaı aýyr salmaqtaǵy WBC International Silver tıtýlyna talasady.

Qazaqstandyq úshin bul jekpe-jek 2022 jylǵy úshinshi jekpe-jek bolmaq. Aldyńǵy 15 maýsymda Máskeýde ótken jekpe-jekte Elhan belarýs Sergeı Krapshılany (4-33-2, 3 KO) tehnıkalyq nokaýtpen jeńgen bolatyn.

Mateýs Da Sılvaǵa keletin bolsaq, bul onyń týǵan elinen tys jerde ótkizetin alǵashqy jekpe-jegi. Ol 30 sáýirde ótken aldyńǵy jekpe-jeginde otandasy Dıego Santos Dantasty (5-2, 5 KO) dıskvalıfıkatsııa arqyly jeńip, jartylaı aýyr salmaqtaǵy Brazılııa chempıony atandy.

Foto: prosports.kz