Qazaqstandyq boksshy WBA tıtýly úshin jekpe-jekte nokaýtpen jeńiske jetti

SANTO-DOMINGO. QazAqparat – Jeńil salmaqtaǵy qazaqstandyq boksshy Nıkolaı Shvab kásipqoı rıngte kezekti jekpe-jegin ótkizdi, dep habarlaıdy QazAqparat Sports.kz saıtyna silteme jasap.

Ol Domınıkan Respýblıkasynda ótken boks keshinde venesýelalyq Elber Rohaspen (18-7-2, 15 KO) judyryqtasty. Boksshylar jeńil salmaqtaǵy WBA Fedecaribe tıtýlyn sarapqa saldy.

Jekpe-jek on raýndqa josparlanǵan bolatyn. Biraq úshinshi raýndta Shvabtyń oryndaýynda tehnıkalyq nokaýt tirkelip, jeńis qazaqstandyq boksshyǵa berildi.

Bul Nıkolaı Shvabtyń kásipqoı bokstaǵy 11-shi jáne merziminen buryn jetinshi jeńisi boldy. Rohas osymen segizinshi ret jeńilip otyr. Onyń qorjynynda jalpy 18 jeńis (15-i nokaýtpen) jáne eki teń oıyn bar.

Foto: sports.kz