Qazaqstandyq boksshy úsh ataqty qorǵaǵannan keıin IBF-tiń úzdik ondyǵyna kirdi

NUR-SULTAN. QazAqparat - Qazaqstandyq boksshy Aıdos Erbosynuly (14-0, 9 KO) Halyqaralyq boks federatsııasynyń (IBF) orta salmaq dárejesindegi reıtıngte ornyn edáýir jaqsartty. Bul týraly «QazAqparat» HAA Sport.kz-ǵa silteme jasaı otyryp habarlaıdy.

Jaqynda Mınskidegi jeńisinen keıin Aıdos Erbosynuly reıtıngte 13-orynnan 9-orynǵa kóterildi. IBF – Aıdos úshin eń basty tórt uıymnyń ishindegi ázirge chempıondyq belbeýi joq jalǵyz uıymy.

Eske sala ketsek, qazaqstandyqtar WBO Global, WBC Asia jáne WBA International boıynsha ekinshi dárejeli ataqtarǵa ıe. Sońǵy jekpe-jeginde Aıdos Erbosynuly ádilqazylardyń biraýyzdan qabyldaǵan sheshimi boıynsha nıgerııalyq nemis Nýhý Lavaldy (27-7, 15 KO) jeńip, beldikterin sátti qorǵady.