Qazaqstandyq boksshy tórt jyldyq úzilisten keıin rıngke oralmaq

NUR-SULTAN. QazAqparat – 25 jastaǵy qazaqstandyq boksshy Roman Jaılaýov (15-2, 9KO) tórt jyldyq úzilisten keıin rıngke qaıta oralýda. Bul týraly QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap habarlaıdy.

Boxrec saıtynyń aqparatyna sáıkes, Jaılaýovtyń kásipqoı rıngtegi 16-ynshy jekpe-jegi 31 qańtar kúni Danııada ótedi. Ekinshi orta salmaqtaǵy kezdesý alty raýndqa eseptelgen. Romannyń qarsylasy týraly málimetter ázirge joq.

Eske salsaq, qazaqstandyq boksshy sońǵy aıqasyn 2015 jyldyń jeltoqsanynda ótkizdi. Onda Kongo Demokratııalyq Respýblıkasynyń ókili Pol Kamangeden (21-2, 12KO) jeńilis tapty. Jekpe-jek birinshi orta salmaqta ótti.

Kásipqoı rıngke 2012 jyly kelgen Jaılaýov alǵashqy 15 kezdesýin jeńispen aıaqtady. Keıin qatarynan eki ret jyǵyldy.