Qazaqstandyq boksshy Sultan Záýirbek WBO reıtınginiń úzdik ondyǵyna endi

ASTANA. QazAqparat – Dúnıejúzilik boks uıymy (WBO) ártúrli salmaq dárejesi boıynsha jańartylǵan reıtıngin jarııalady, dep habarlaıdy QazAqparat Sports.kz-ke silteme jasap.

Qazaqstandyq boksshylarǵa kelsek, ekinshi jeńil salmaqta óner kórsetetin Sultan Záýirbek (13-0, 9 KO) 11-orynnan 10-ǵa kóterildi.

Esterińizge sala keteıik, WBO nusqasy boıynsha orta salmaqtaǵy álem chempıony – Jánibek Álimhanuly (13-0, 8 KO). Sondaı-aq, bul dıvızıonda Meıirim Nursultanov (18-0, 10 KO) reıtıngide úshinshi orynda tur. Sýper orta salmaqta Álı Ahmedov (19-1, 14 KO) 12-orynda qaldy.

Jánibek Álimhanulyna kelsek, ótken jyldyń tamyz aıynda ol tolyqqandy WBO chempıony atansa, qarasha aıynda brıtandyq boksshy Denzel Bentlıdi (17-2-1, 14 KO) jeńdi.