Qazaqstandyq boksshy Saparbaı Aıdarov ýkraınalyq qarsylasynan basym tústi

NUR-SULTAN. QazAqparat – Elordanyń Jaqsylyq Úshkempirov atyndaǵy Jekpe-jek saraıynda Táýelsizdiktiń 30 jyldyǵyna oraı ótip jatqan kásipqoı boks keshiniń taǵy bir jekpe-jegi qazaqstandyq boksshynyń jeńisimen aıaqtaldy, dep habarlaıdy QazAqparat tilshisi.

Sharshy alańǵa besinshi bolyp Saparbaı Aıdarov (Qazaqstan) pen Andreı Shemetov (Ýkraına) shyqty.

Qazaqstandyq boksshynyń basymdyǵymen ótken kezdesý 6 raýndqa jalǵasty. Jeńis Saparbaı Aıdarovtyń qanjyǵasynda (60-54, 60:54, 60:54).

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.