Qazaqstandyq boksshy salmaǵy áldeqaıda aýyr qarsylasyn tehnıkalyq nokaýtpen jeńdi

NUR-SULTAN. QazAqparat – Mınskide (Belarýs) ótip jatqan kásipqoı boks keshinde aýyr salmaqtaǵy qazaqstandyq Nursultan Amanjolov (2-0, 1 KO) qarsylasyn tehnıkalyq nokaýtpen jeńdi, dep habarlaıdy QazAqparat tilshisi.

Alty raýndyq básekede Nursultanǵa bosnııalyq Drajan ıAnıanın (20-30, 17 KO) qarsy turdy.

D.ıAnıanınniń salmaǵy 129 kg bolsa, 27 jastaǵy N.Amanjolov nebári 111 keli edi. 31 jastaǵy bosnııalyq boksshynyń tájirıbesi de molyraq edi, buǵan deıin ol 50 kezdesý ótkizip úlgergen-di. Degenmen tórtbaq deneli Drajanǵa qaraǵanda, Nursultannyń boıy da, qoly da uzyn edi. Sol artyqshylyqtaryn sátti paıdalanyp, qarsylasynyń aldyn orap ketip otyrdy. Aqyry ekinshi raýndtan keıin bosnııalyq sportshy jekpe-jekti jalǵastyrýdan bas tartty.

Osylaısha N.Amanjolov kásipqoı bokstaǵy úshinshi jeńisine qol jetkizdi.