Qazaqstandyq boksshy Roman Jaılaýovtyń inisi alǵash ret kásibı rıngte judyryqtasady
ASTANA. QazAqparat - Qazaqstandyq tanymal boksshy Roman Jaılaýovtyń inisi Daıyr Jaılaýov 1 jeltoqsanda alǵash ret kásibı sharshy alańǵa shyǵady, dep habarlanǵan Qazaqstan kásibı boksynyń Vkontakte áleýmettik jelisindegi paraqshasynda.
1 jeltoqsanda Ońtústik Afrıka Respýblıkasyndaǵy Kempton Park qalasynda Roman Jaılaýovtyń inisi Daıyr Jaılaýov birinshi jartylaı ortasha salmaqtaǵy (140 fýntqa deıin - 63,5 keli) óziniń debıýttik jekpe-jegine shyǵady. Ázirge onyń qarsylasy kim bolatyny belgisiz. Dál osy kúni dál osy qalada 21 jasar Roman Jaılaýov óz salmaq dárejesi boıynsha jeńiliske ushyramaıtyn kongolyq bylǵary qolǵap sheberi 22 jastaǵy Pol Kamangamen kezdesedi. Aıta keteıik, kongolyq sportshy birinshi jartylaı ortasha salmaqtaǵy álemniń eń úzdik boksshylarynyń TOP-30-yna kiredi. 12 raýndqa josparlanǵan jekpe-jek KazSport telearnasynyń tikeleı efırinen kórsetiledi.
