Qazaqstandyq boksshy reseılik qarsylasyn 74 sekýndta nokaýtqa jiberdi

NUR-SULTAN. QazAqparat – 21 jastaǵy qazaqstandyq boksshy Ǵalym Shaǵataı (2-0) Máskeýde ótken jekpe-jeginde jergilikti sportshy Dmıtrıı Rahmanovty (0-1) jeńdi, dep habarlaıdy QazAqparat Sports.kz saıtyna silteme jasap.

Qazaqstandyq boksshy opponentin buryshqa qysyp, soqqynyń astyna alǵan. Budan keıin tóreshi aıqasty toqtatýǵa májbúr bolǵan. Osylaısha, Ǵ.Shaǵataı kezdesý bastalǵan 74-inshi sekýndta tehnıkalyq nokaýtpen jeńiske jetti.

Bul onyń kásibı rıngtegi úshinshi jeńisi. Ol bıylǵy aqpan aıynda Aqtóbede ótken keshte otandasymyz Bekzat Tampıevten, maýsymda Máskeýde Vladıslav ıAkovlevten aılasyn asyrǵan bolatyn.

Ǵalym Tukeshov Boxing promoýterlik kompanııasymen kelisimshartqa otyrǵan.