Qazaqstandyq boksshy Oljas Sáttibaev Azııa chempıonatynyń shırek fınalyna shyqty
ASTANA. QazAqparat - 52 kelige deıingi salmaq dárejesinde óner kórsetetin Qazaqstan chempıony Oljas Sáttibaev Azııa chempıonatyn sátti bastady.
Ol Taılandtyń myqty boksshysy Ongjýnta Teınspen kezdesti, dep habarlady Qazaqstan boks federatsııasynyń baspasóz qyzmetinen.
Jekpe-jektiń birinshi mınýtynan-aq taı boksshysy Sáttibaevty óz soqqylarymen álsiretpek boldy. Alaıda oıyn júzege asyra almady. Oljas qarsylastyń kúsh alýyna boı bermedi. Utymdy sátterdi qalt jibermeı, qarsy shabýyldady.
Tóreshilerdiń barlyǵy jeńisti jerlesimizge berdi - 3:0. Osylaısha 2014 jylǵy Qazaqstan chempıony qurlyqaralyq týrnırdiń shırek fınalyna joldama aldy. foto - Aleksandr Kanıvets
