Qazaqstandyq boksshy nokdaýnnan keıin turyp, qarsylasyn nokaýtqa jiberdi
ALMATY. QazAqparat – Almatyda MTK Kazakhstan promoýterlik kompanııasy uıymdastyrǵan kásibı boks keshi bastaldy. Bul týraly QazAqparat Sports.kz saıtyna silteme jasap habarlaıdy.
Birinshi bolyp rıngke qazaqstandyq boksshy Artem Pchelıakov (4-0, 3 KO) pen tájikstandyq Djalolýdın Mýhammadı (debıýt) shyqty. Jartylaı aýyr salmaqtaǵy aıqasta Pchelıakov jeńiske jetti – ol úshinshi raýndtyń sońynda qarsylasyn tehnıkalyq nokaýtqa jiberdi.
Osy raýndta referı Mýhammadıge taǵy bir nokdaýn eseptedi. Pchelıakov basynda jaqsy oıyn kórsete almady: úshinshi raýndta nokdaýnǵa túsip qaldy, alaıda sońynda jeńiske jetti.
Bul Artem Pchelıakovtiń kásibı boks mansabyndaǵy besinshi jeńisi. Al Djalolýdın Mýhammadı birinshi ret jeńilip otyr.
Eske sala keteıik, týrnır hedlaınerleri – qazaqstandyq Raı Seıtjanov (9-0, 6 KO) pen meksıkalyq Hose Masıas Enrıkes (15-0-2, 7 KO). Olar birinshi jartylaı orta salmaqtaǵy WBO «jastar» álem chempıony tıtýly úshin jekpe-jekke shyǵady.
