Qazaqstandyq boksshy qyzdar «Ulttar kýbogi» týrnıriniń sýperkýbogin jeńip aldy
«Qańtardyń 16-20 kúnderi Serbııanyń Sombor qalasynda bokstan «Ulttar kýbogi» halyqaralyq týrnıri ótip, oǵan álemniń 20 elinen 170-ten astam sportshy qatysty. Qazaqstan quramasy qatarynda jastar, jasóspirimder jáne ereseketer komandasy boldy. Ulttyq qyzdar quramasy elge 11 medalmen, onyń ishinde 5 altyn, 1 kúmis jáne 5 qola medalmen oraldy»,- dep atap ótedi federatsııa.
Taratylǵan málimetke qaraǵanda, 48 kelide sharshy alańǵa kóterilgen Alýa Balqybekova reseılik ıÝlııa Chýmgalakovadan basym tústi. Al Nazym Qyzaıbaı (51 keli) altyn úshin aıqasta Angelına Lýkasqa ese jiberdi. Dına Jolaman (54 keli) vengerlik Sabın Shýtssten basym tússe, Rımma Volosenko (60 keli) týrnırdiń úzdik boksshysy atandy. Ol aqtyq synda horvatııalyq Sara Beramnan basym tústi. Lázzat Kúngeıbaeva da reseılik Aleksandra Dmıtrıevadan basym bolyp, altyn aldy. 
Álııa Ábdiraıymova, Aqerke Baqytjan, Baıan Aqbaeva, Aıda Ondash jáne Móldir Bazarbaeva týrnırdiń qola júldegeri atandy.
Al jasóspirimder arasynda Jibek Jarasqyzy (66 keli), Aıjaryq Sherihan (70) jáne Ksenııa Dreval (+80 keli) týrnır chempıony atandy. Kúmis medal Symbat Álıasqar (46 keli), Gýlnar Turapbaı (52), Valerııa Semenova (70) jáne Nazerke Serikke (57) buıyrsa, Talshyn Tosbaı (60), Kamıla Ahmet (52 ), Aıdyn Temirjan (57) qola júldeger boldy.
Jastar arasynda Marııa Gladkova (57), Anel Sakish (51) jáne Anel Qudaıbergen (48) chempıondyq ataq jeńip aldy. Kúmis medal Erkejan Dáýletjanqyzyna (57), Módir Toıyqovaǵa (54) jáne Uljanaı Mamýtovaǵa (64) buıyrdy. 81 kelide Gúlsaıa Erjan týrnırdiń qola júldegeri atandy.
