Qazaqstandyq boksshy qyzdar Serbııadan 6 medal jeńip aldy
Atalǵan dodada qazaqstandyq qyzdar 6 medal jeńip aldy. Onyń beseýi kúmis, bireýi qola medal.
QR Boks federatsııasy habarlaǵandaı, atalǵan halyqaralyq týrnırdiń fınalyna bir emes, bes birdeı boksshymyz shyqqan bolatyn. Ókinishke qaraı olardyń barlyǵy «altyn» tuǵyrdan kórine almaǵan.
51 keli salmaqta Jaına Shekerbekova fınalda túrkııalyq qarsylasyna jol berse, 60 kelide judyryqtasqan Karına Ibragımova avstralııalyq Skaı Nıkolsonnan utylyp qaldy. Al 64 kelidegi Álııa Ábdiraıymova ýkraınalyq Marııa Bovadan jeńilis tapsa, 81 kelide el namysyn qoǵaǵan Aıda Ońdash pen asa aýyr salmaqtay Ýmıda Sadyqovalar da sheshýshi jekpe-jekte Ýkraına ókilderinen aılasyn asyra almady.
Al el qorjynyndaǵy jalǵyz qola medaldi 60 kelide synǵa túsken Aıjan Qojabekova ıelendi.
Osylaısha, Serbııaǵa barǵan áıelder boksynan Qazaqstan quramasynyń ekinshi nómirli sportshylary 5 kúmis, 1 qola medalǵa qol jetizip qaıtty.