Qazaqstandyq boksshy qyzdar Polshadaǵy halyqaralyq týrnırge qatysýda
ASTANA. QazAqparat - Búgin Polshanyń Glıvıtse qalasynda bokstan áıelder arasyndaǵy HІІІ Sılezııa chempıonaty halyqaralyq týrnırine start berildi, dep habarlaıdy «QazAqparat» HAA Sports.kz-ke silteme jasap.
15 qyrkúıekke deıin jalǵasatyn týrnırge bıyl álemniń Qazaqstan, Kanada, Chehııa, Anglııa, Frantsııa, Germanııa, Grekııa, Vengrııa, Úndistan, Latvııa, Lıtva, Chernogorııa, Norvegııa, Polsha, Reseı, Senegal, Slovenııa, Shvetsııa, Shveıtsarııa, Tanzanııa jáne Ýkraına - jalpy 21 eldiń sportshylary qatysyp jatyr.
Týrnır jasy úlken sportshylar úshin ústimizdegi jyldyń qarashasynda Úndistanda ótetin álem chempıonatyna daıyndalý úshin zor múmkindik bolmaq. Olardyń arasynda bes dúrkin álem chempıony Merı Kom (Úndistan), Rıo Olımpıadasynyń qola júldegeri, Anastasııa Belıakova (Reseı), sondaı-aq jerlesterimiz - álem chempıony Dına Jolaman, Rıo Olımpıadasynyń qola júldegeri Darıǵa Shákim, 2014 jylǵy Azıadanyń kúmis medal ıegeri Jaına Shekerbekovalar bar.
Alǵashqy kúni qazaqstandyq úsh boksshy rıngke shyqty. Jaına Shekerbekova 51 kg salmaq sanatynda jergilikti boksshy Mılena Zglenıtskıdi jeńdi. Vlada Kýhta (57 kg) serbııalyq Elena Zekıtsti úshinshi raýndta ýaqytynan buryn tize búktirdi. Al 69 kg salmaq sanatynda aıqasqan Aqerke Baqytjan Chehııa ókili Martına Shmorantsovaǵa ese jiberdi.
11 qyrkúekten 14-ine deıin jekpe-jekter eki sessııada ótedi. Birinshisi Astana ýaqytymen 15:00-de, al ekinshisi 21:00-de bastalady.
15 qyrkúıek kúni aqtyq kezdesýler 21:00-de bastalady.
