Qazaqstandyq boksshy qyzdar Qytaıda ótip jatqan Álem chempıonatyn sátsiz bastady
ALMATY. 12 mamyr. QazAqparat - Keshe Qytaıdyń Tsınhýandao qalasynda áıelder boksynan Álem chempıonaty bastaldy. Ol 76 kúnnen keıin Londonda jalaýy kóteriletin HHH Jazǵy Olımpıada oıyndarynyń birden-bir irikteý kezeńi bolmaq.
Olımpıada oıyndarynyń baǵdarlamasyna tuńǵysh kirip otyrǵan áıelder boksynan onda 51, 60 jáne 75 keli salmaq dárejeleri boıynsha 12 joldama sarapqa salynǵaly otyr. Eki jylda bir ret ótetin bıylǵy Álem chempıonatyna 77 elden 343 boksshy qatysýda. Onda qazaqstandyqtardan jarystyń alǵashqy kúni Sanııa Sultanqyzy (57 kg) týnıstik Hlımı Hogloýdqa (Hlimi Khouloud) 20:10 (5:1, 3:3, 7:2, 5:4), al Móldir Bazarbaeva (69 kg) rýmynııalyq Florına Marınella Radýǵa 20:12 (6:3, 3;4, 5:3, 6:2) esebimen ese jiberdi.
