Qazaqstandyq boksshy Kovalev-ıArd aıqasynyń anderkartynda sharshy alańǵa shyǵady

NUR-SULTAN. QazAqparat – Qazaqstandyq boksshy Stanıslav Kalıtskıı (8-0, 3KO) 24 tamyzda Reseıdiń Chelıabınsk qalasynda ótetin boks keshinde óner kórsetedi, dep habarlaıdy QazAqparat tilshisi.

Qazaqstan kásipqoı boksy federatsııasynyń VKontakte paraqshasynda habarlanǵandaı,

Kalıtskıı shyǵatyn boks keshindegi basty jekpe-jekte Sergeı Kovalev (33-3-1, 28KO) pen brıtandyq Entonı ıArd (18-0, 17KO) kezdesedi. Qos eldiń myqty boksshylary jartylaı aýyr salmaqta WBO nusqasy boıynsha álem chempıony tıtýly úshin ózara myqtyny anyqtamaq.

«Al Kalıtskıı sol kúni jergilikti faıter Vladıslav Krasnosheınge (7-0-1, 2KO) qarsy aıqas ótkizedi. Ekinshi jartylaı jeńil salmaqtaǵy kezdesý on raýndqa eseptelgen», - delingen federatsııanyń habarlamasynda.

Aıta keterligi, Reseıde ótetin atalmysh boks keshinde qazaqstandyq taǵy bir boksshy Meıirim Nursultanov (11-0, 8KO) ta rıngke kóterilmek. Boksshynyń qarsylasy áli anyqtalǵan joq.