Qazaqstandyq boksshy Qazandaǵy Ýnıversıadada ¼ fınalǵa shyqty
ASTANA. 6 shilde. QazAqparat - Qazaqstandyq Aıdar Ámirzaqov Qazanda ótip jatqan 2013 jylǵy Jazǵy ýnıversıadada boks týrnıri aıasyndaǵy óziniń alǵashqy aıqasyn jeńispen aıaqtady.
Bul týraly Vesti.kz habarlady.
64 kelige deıingi salmaq dárejesinde óner kórsetetin Ámirzaqov mysyrlyq sportshy Eslam Mohamedten basym tústi.
¼ fınalda qazaqstandyq boksshynyń qarsylasy ýkraınalyq Denıs Berınchık bolady. Jekpe-jek 8 shilde kúni ótedi.
Qazaqstannyń ózge ókili Baqytjan Qojabekovtiń (69 keli) alǵashqy kezdesýi sátti bolmady. Bastapqy týrnırde ol Londondaǵy Olımpıadanyń qola júldegeri reseılik Andreı Zamkovqa 1:2 esebimen jeńildi.
