Qazaqstandyq boksshy qarsylasyn nokaýtpen jeńdi
ASTANA. QazAqparat - «Almaty Arenada» ótken kásipqoı boks keshinde Jaqsylyq Qyrǵyzáli men majarstandyq Frenk Hafner qolǵap túıistirdi, dep habarlaıdy «SPORTINFORM» SAA .
Orta salmaq ókilderiniń aıqasy bastalmaı jatyp bitip qaldy. Birinshi raýndta Jaqsylyq qarsylasyn eki ret nokdaýnǵa jiberdi. Sodan keıin Hafner jekpe-jekti jalǵastyrýdan bas tartty. Tehnıkalyq nokaýt qazaqstandyq boksshynyń esebine jazyldy.
Bul Qyrǵyzáliniń karerasyndaǵy tórtinshi jeńis boldy (eki ret jeńilgen). Osymen 39 jekpe-jegin ótkizgen Frenk Hafner 14-shi ret jeńiliske ushyrady.
Aıta ketelik, bulardyń aıqasy Sharıpova-Gontarıýk tıtýldyq jekpe-jeginiń anderkartynda ótkizildi.
