Qazaqstandyq boksshy qarsylasyn birinshi raýndta nokaýtqa jiberdi
ASTANA. QazAqparat - Qazaqstannyń úsh dúrkin chempıony Jan Kosobýtskıı kásipqoı bokstaǵy úshinshi kezdesýin ótkizip, qarsylasyn birinshi raýndta sulatty, dep habarlaıdy QazAqparat.
Jekpe-jek Máskeý qalasyndaǵy «Krylıa Sovetov» sport kesheninde ótti.
Otandasymyz Kosobýtskıı osyǵan deıin 17 kezdesý ótkizip, toǵyzynda jeńiske jetken ýkraınalyq Aleksnadr Nesterenkonyń jeńilis sanyn jeńisimen teńestirdi. Ol osyǵan deıin 8 ret jeńilistiń aşy dámin tatqan bolatyn.
Aıta keteıik, Kosobýtskıı kásipqoı bokstaǵy sońǵy jekpe-jegin qarasha aıynda belarýs boksshysy Oleg Zablotskııge qarsy ótkizip, jeńiske jetken edi.
