Qazaqstandyq boksshy qarsylasyn 34 ret nokaýtqa jibergen eks-chempıondy jeńdi

NUR-SULTAN. QazAqparat – Qazaqstandyq boksshy Bekman Soılybaev (13-1, 5 KO) Aqtaýda ótken boks keshinde óner kórsetti, dep habarlaıdy QazAqparat Sports.kz saıtyna silteme jasap.

Ol meksıkalyq tájirıbeli boksshy Tomas Rohaspen (52-20-1, 34 KO) judyryqtasty. Ekinshi jartylaı orta salmaqtaǵy bul kezdesý 10 raýndqa eseptelgen bolatyn. Jeńisti tóreshiler biraýyzdan Bekman Soılybaevaqa berdi.

Osylaısha, Bekman Soılybaev óziniń kásibı bokstaǵy 14-shi jeńisine qol jetkizdi, al Tomas Rohas bolsa, 21-shi ret jeńilis tapty.

Aıta keteıik, Rohas ekinshi eń jeńil salmaqta WBC chempıony atanǵan.

Aqtaýda ótip jatqan boks keshiniń basty kezdesýinde qazaqstandyq boksshy Meıirim Nursultanov (16-0, 9 KO) pen argentınalyq Sebastıan Papeschı (18-3, 6 KO) shyǵady. Nursultan jarysqa orta salmaqtaǵy WBO International chempıona ataǵyn tigedi.