Qazaqstandyq boksshy qarsylasyn 33 sekýndta nokaýtqa jiberdi

NUR-SULTAN. QazAqparat – Qazaqstandyq Nıkolaı Shvab kásipqoı bokstaǵy mansabyn bastady, dep habarlaıdy QazAqparat Sports.kz saıtyna silteme jasap.

25 jastaǵy boksshy profı-rıngtegi alǵashqy aıqasyn AQSh-tyń Jańa Orlean qalasynda (Lýızıana shtaty) ótkizdi. Tórt raýndqa eseptelgen jekpe-jekte onyń qarsylasy jergilikti boksshy Amonı Sanders (0-2) boldy. Jeńil salmaqtaǵy aıqas birinshi raýndtan ári aspady. N.Shvab alǵashqy raýndtyń 33-inshi sekýndynda-aq opponentin nokaýtqa jiberdi.

Osylaısha, qazaqstandyq kásibı mansabyndaǵy alǵashqy jeńisine jetti. Al A.Sanderstiń aktıvine úshinshi jeńilis jazyldy.