Qazaqstandyq boksshy kanadalyq promoýterlik kompanııamen kelisimshart jasady
ASTANA. QazAqparat - Qazaqstandyq boksshy Sadrıddın Ahmedov «Eye of the Tiger Management» tanymal kanadalyq promoýterlik kompanııamen kelisimshart jasady, dep habarlaıdy «SPORTINFORM» SAA.
Búgin kanadalyq promoýshen osy jańalyqpen Facebook-te bólisti.
Bokstan jastar arasyndaǵy álem chempıony, 20 jastaǵy Sadrıddın Ahmedov 2017 jyldyń kúzinde kásipqoı boksqa ótetinin málim etken edi.
Jas qazaqstandyq boksshynyń «Heavyweight Factory» amerıkalyq promoýterlik kompanııasymen kelisimshartqa qol qoıýy josparlanǵan bolatyn. Alaıda, qandaı da bir sebeptermen ol jasalǵan joq.
Búginnen bastap Ahmedovtiń kásipqoı bokstaǵy mansabymen onyń kanadalyq promoýteri Kamıl Estefan aınalysady.
Eske salaıyq, Kamıl Estefan birneshe jyldan beri kanadalyq boksshy Davıd Lememen, sondaı-aq qazaqstandyq Batyr Jumashev, Abylaıhan Qusaıynov jáne Nurzat Sabyrovpen jumys istep keledi.
