Qazaqstandyq boksshy IBF-tyń chempıondyq tıtýlyn jeńip aldy

ASTANA. QazAqparat - Birinshi orta salmaqtaǵy qazaqstandyq boksshy Baqtııar Eıýbov kásibı rıngtegi on tórtinshi jeńisine qol jetkizdi, dep habarlaıdy «SPORTINFORM» SAA.

31 jastaǵy Aqtóbe týmasy Detroıttaǵy boks keshinde tájirıbeli amerıkalyq boksshy Nıkolas Gıvenmen judyryqtasty. Ol buǵan deıin 21 ret aıqasyp, tek bir ret jeńilgen bolatyn. Eıýbov ázirge jeńilip kórgen joq. Jekpe-jek 10 raýndqa josparlanǵan, biraq tek 7 raýndqa sozyldy. Eıýbov tehnıkalyq nokaýtpen jeńiske jetip, IBF tujyrymy boıynsha birinshi orta salmaqtaǵy chempıon óńirlik tıtýlyna ıe boldy.

Aıta keteıik, bul aıqas amerıkalyq Klarıssa Shılds pen kostarıkalyq Henna Gabrıelstiń boks keshinde ótti.

Keshti tanymal promoýter Dmıtrıı Salıta uıymdastyrǵan.