Qazaqstandyq boksshy IBF tıtýlyn ıelengen soń, álemdik reıtıngte kóterildi

NUR-SULTAN. QazAqparat – Qazaqstandyq kásipqoı boksshy Bobyrjan Momynov (12-0, 8 KO) sońǵy jeńisinen keıin Boxrec.com portalynyń reıtınginde kóterildi, dep habarlaıdy QazAqparat Sports.kz saıtyna silteme jasap.

Aıta ketsek, Reseıdiń Qazan qalasynda ótken boks keshinde Momynov tóreshilerdiń basym daýysymen reseılik Vagınak Tamrazıandi (17-8, 5 KO) jeńdi. Nátıjesinde Bobyrjan BoxRec reıtınginde jartylaı ortasha salmaqta 122-orynnan 67-orynǵa kóterilgen. Bul jeńis sondaı-aq, qazaqstandyq boksshyǵa IBF Eurasia tıtýlyn ákeldi.

Sonymen qatar, Qazanda taǵy eki qazaqstandyq boksshy – Arman Rysbek (7-1, 6 KO) pen Dastan Sadýuly (3-1, 3 KO) qatysqan, alaıda óz jekpe-jekterinde olar merziminen buryn jeńilip qalǵan.

Foto: www.instagram.com/bobirzhan_mominov