Qazaqstandyq boksshy halyqaralyq jarysta ózbekstandyq favorıtti nokaýtpen jeńdi

NUR-SULTAN. QazAqparat – Qaraǵandy qalasynda bokstan Ǵalym Jarylǵapovty eske alýǵa arnalǵan halyqaralyq týrnırde qazaqstandyq Toǵambaı Saǵyndyq fınalǵa shyqty, dep habarlaıdy QazAqparat tilshisi.

T.Saǵyndyq aýyr salmaqta jartylaı fınalda jarystyń favorıti sanalǵan ózbekstandyq Álisher Nızomovty merziminen buryn utty.

Ekinshi raýndta Á.Nızomovtyń bapkerleri rıngke oramal laqtyryp, básekeden bas tartýǵa májbúr boldy.

Asqar Erkebaev pen Azamat Igibaev jattyqtyratyn Toǵambaı bıyl qarashada Ulanbatyrda jastar arasynda ótken Azııa chempıonatynda ekinshi márte jeńimpaz atanǵan bolatyn. Ol onda da fınalda ózbek boksshysy Amırshoh Samadovty 5:0 esebimen tize búktirgen edi.