Qazaqstandyq boksshy G. Golovkın men brıtandyq M. Maklın arasyndaǵy jekpe-jekti tikeleı efırden kórýge bolady
ASTANA. 20 maýsym. QazAqparat - WBA/IBO nusqasy boıynsha orta salmaqtaǵy Álem chempıony, qazaqstandyq boksshy Gennadıı Golovkın men brıtandyq M. Maklın arasyndaǵy jekpe-jekti tikeleı efırden kórýge bolady, dep habarlaıdy Vesti.kz.
29 maýsymda Mashantýkette (AQSh, Konnektıkýt shtaty) Foxwoods Resort Casino arenasynda ótetin jekpe-jekti 30 maýsymda Astana ýaqyty boıynsha tańerteńgi saǵat 09:00-de «Qazaqstan» telearnasy kórsetedi.
Bul kezdesýdiń jazylyp alynǵan nusqasyn 1 shilde kúni Astana ýaqyty boıynsha saǵat 22:00-de «Astana» telearnasynan kórýge bolady.
Aǵymdaǵy jyly úshinshi sharshy alańǵa kóteriletin qazaqstandyq boksshy úshin segizinshi ret WBA chempıondyq beldigin qorǵaý bolatynyn atap ótken jón. Brıtandyq boksshy óziniń sońǵy jekpe-jegin 2012 jylǵy 15 qyrkúıekte ótkizip, birinshi raýndta gaıtıandyq boksshy Djoashım Alsındi sulatqan. Buǵan deıin Maklın eki jekpe-jekten birdeı: aldymen nemis Felıks Shtýrmnen, sodan keıin argentınalyq Serhıo Gabrıel Martınesten jeńilip qalǵan.
Golovkın men Maklın arasyndaǵy jekpe-jek HBO arnasyndaǵy Boxing After Dark serııasy aıasyndaǵy iri boks keshiniń negizgi oqıǵasy bolatynyn esterińizge salamyz.
