Qazaqstandyq boksshy G.Golovkın 24-shi jeńiske jetti jáne Proksty nokaýtqa jiberdi
ASTANA. 2 qyrkúıek. QazAqparat - Qazaqstandyq boksshy Gennadıı Golovkın kásibı rıngte 24-shi jeńiske jetti jáne 24-shi nokaýtqa jiberdi, dep habarlady Vesti.kz tilshisi.
WBA nusqasy boıynsha orta salmaqtaǵy 30 jastaǵy álem chempıony men 27 jastaǵy osy ataqqa úmitker Gjegoj Proks arasyndaǵy saıys AQSh-ta ótti.
Birinshi raýndtyń ózinde Golovkın basymdyq kórsetip, polıakty nokdaýnǵa jiberdi, biraq ta Proks qaıta ornynan turdy. Ekinshi raýndta polıak boksshysy ózine-ózi kelip, birneshe tym jaqsy shabýyldar jasady.
Tórtinshi raýnda Golovkın birneshe qarýly soqqylar jasap, Proksty taǵy da nokdaýnǵa jiberdi, biraq polıak ornynan turyp, raýndtyń sońyna deıin shydady.
Golovkın besinshi raýndta jeńiske jetti. Birneshe soqqydan keıin Proks rıngke qulady, biraq ta taǵy ornynan tura aldy, alaıda osy arada tóreshiler aralasyp, oıyndy toqtatýǵa sheshim qabyldady.
