Qazaqstandyq boksshy Fırýza Sháripovanyń kelesi qarsylasy belgili boldy

NUR-SULTAN. QazAqparat - Qazaqstandyq boksshy Fırýza Sháripovanyń (12-1, 6 KO) búgin Qazan qalasynda ótetin týrnırde kimmen jekpe-jekke shyǵatyny anyqtaldy, dep habarlaıdy QazAqparat Sports.kz resýrsyna silteme jasap.

Áý basta ol Olımpıadanyń kúmis júldegeri, reseılik Sofıa Ochıgovamen (4-0, 1 KO) kezdesedi dep kútilgen. Alaıda bul joly ekeýi sharshy alańǵa shyqpaıdy. Onyń jańa qarsylasy - reseılik ıÝlııa Chernoborodovaıa (0-1).

Fırýza Sháripova óziniń sońǵy aıqasyn 2020 jyldyń qazan aıynda ótkizdi. Ol ádilqazylar sheshimimen Sara Marıanovıchti (7-8, 3 KO) jeńgen bolatyn.

Aıta keteıik, Sháripov ıÝlııa Chernoborodovaıamen buǵan deıin de jekpe-jekke shyqqan. 2017 jyly qazaqstandyq boksshy reseılik qarsylasyn utqan bolatyn.

Kásibı boks týrnıri búgin, 3 sáýirde Qazan qalasyndaǵy «Basket holl» arenasynda ótedi. Jarysta 5 belbeý sarapqa salynady.