Qazaqstandyq boksshy Eıýbov menedjer men demeýshi izdep júr
ASTANA. QazAqparat - Qazaqstandyq tanymal boksshy Bahtııar Eıýbov «Qazaqstannyń kásibı boksy» onlaın-basylymynyń tilshisimen suhbat barysynda myqty menedjer jáne óziniń karerasyn odan ári jańǵyrtý úshin demeýshi izdep júrgendigin aıtty, dep jazady Sports.kz.
Qazaqstandyq sportshy kásibı rıngte ótkizgen 11 kezdesýiniń bárinde jeńiske jetti (10 nokaýt).
Boksshy sonymen qatar sózinde menedjeri men demeýshisiniń joqtyǵyna baılanysty qıyndyq kórip júrgendigin aıtqan. Al onyń basty maqsaty - álem chempıony bolý.
Aıta keteıik, 30 jasar Eıýbov óziniń karerasyn 2012 jyly AQSh-ta bastady. Boksshy óziniń esebinen 3 kezdesý ótkizip, úsheýin de nokaýtpen jeńdi. Sodan soń 2014 jyly Bahtııar taǵy da óziniń esebinen Germanııada eki kezdesý ótkizip, ekeýinde de jeńiske jetti.
2015 jyly Eıýbov «Salita Promotions» kompanııasymen kelisimshartqa otyryp, AQSh-qa ketken bolatyn. AQSh-ta ol 6 kezdesý ótkizip, barlyǵyn da jeńdi. Onyń sońǵy eki kezdesýi «Showtime» telearnasy arqyly kórsetildi. Sońǵy jekpe-jeginde ol áıgili amerıkalyq boksshy Karım Meıfıldti upaı sanymen jeńdi.
