Qazaqstandyq boksshy Eskendir Harsan qarsylasyn nokaýtqa jiberdi
ASTANA. QazAqparat - Búgin Ostınde (Tehas shtaty, AQSh) qazaqstandyq boksshy Eskendir Harsan kásibı rıngte óziniń tórtinshi kezdesýin sátti ótkizdi, dep habarlaıdy «SPORTINFORM» SAA.
Qazaqstandyqtyń qarsylasy 27 jastaǵy amerıkalyq jartylaı jeńil salmaqtaǵy boksshy Rıchard Mýnez (1-2-1) bolatyn. Jekpe-jek 6 raýndqa eseptelgen edi. Alaıda ol merziminen buryn aıaqtaldy. Úshinshi raýndta Eskendir Mýnezdi denesinen uryp, nokaýtqa jiberdi.
Aıta ketetin másele 21 jastaǵy Eskendir Harsan Qazaqstannyń eńbegi sińgen bapker Saǵatbek Musahanovtyń jetekshiligimen Almatyda jattyǵady.
