Qazaqstandyq boksshy esh jeńilip kórmegen reseılikpen aıqasady

MINSK. QazAqparat – Búgin qazaqstandyq boksshy Aleksandr Jýravskıı (13-6-1, 11 KO) kezekti jekpe-jegin kásibı rıngte ótkizedi, dep habarlaıdy QazAqparat Sports.kz-ke silteme jasap.

Otandyq sportshy Mınskide (Belarýs) KOld Wars serııasyndaǵy týrnırde óner kórsetedi. Birinshi orta salmaqtaǵy jekpe-jekte onyń qarsylasy esh jeńilip kórmegen reseılik Artem Oganesıan (11-0, 9 KO) bolmaq. Kezdesý on raýndqa eseptelgen. Aleksandr Jýravskıı munyń aldyndaǵy jekpe-jegin ótken jyldyń tamyz aıynda Ońtústik Afrıkada ótkizgen bolatyn. Onda sýdıalardyń biraýyzdan sheshimimen jergilikti boksshy Rork Knapptan jeńilip qalǵan edi (10-1-1, 8 KO).

Aıta keteıik, qazaqstandyq sportshy 2016 jyly Almatyda taılyq Komsan Polsandy (40-12-1, 26 KO) súrindirgen bolatyn.