Qazaqstandyq boksshy Erjan Jomart Bolgarııada ótken halyqaralyq týrnırdiń jeńimpazy atandy
ASTANA. QazAqparat - 22-28 aqpanda Bolgarııada Sofııa Ýnıversıtetiniń sport kesheninde dástúrli 67-Halyqaralyq «Strandja» týrnıri ótti. Jarysqa qazaqstandyq boksshylar da qatysty.
Jaqsylyq Іlııasov (60 kg) ARV serııasy boıynsha chempıon ózbekstandyq Hýrshıd Tojıbaevqa jol berip, jekpe-jektiń alǵashqy synynan-aq súrindi. Al Bekzod Halmedov (69 kg), Almasbek Álibekov (64 kg) jáne Vadım Kazakov (81 kg) shırek fınalǵa deıin kelip, jarystan shyǵyp qaldy.
Al aqtyq synǵa tek Erjan Jomart qana shyqty. Ol alǵashqy kezdesýde 49 kg deıingi salmaq dárejesindegi ARV chempıony - qytaılyq Lıý Bındi utty. Bın buǵan deıin ARV týrnırinde qazaqstandyq Birjan Jaqypovty jeńgen edi. Bolgarııada Erjan Jomart 2:1 esebimen qarsylasynan basym tústi. Al aqtyq synda ol sharshy alań ıesi Tınko Banabakovty 3:0 esebimen jeńip ketti, dep jazady sports.kz.
