Qazaqstandyq boksshy Ernar Eshenov belbeý qorǵaýǵa daıyndalýda
ASTANA. QazAqparat - Birinshi orta salmaqtaǵy qazaqstandyq kásipqoı boksshy Ernar Eshenov belbeý qorǵaýǵa ázirlik ústinde.
VKontakte jelisindegi «Profı Boks Kazahstana» paraqshasynda habarlanǵandaı, 11 naýryz kúni Qytaıdyń Gonkong qalasynda birinshi orta salmaqtaǵy WBC Intercontinental Youth tıtýlyn qorǵaý úshin qazaqstandyq boksshy 26 jastaǵy tanzanııalyq Ibragım Maokolyımen (11-5-1, 8KO) aıqasady. Aıqas úsh mınýttan 8 raýndqa jalǵasady.
21 jastaǵy Eshenov kásipqoı rıngte bes kezdesý ótkizip, barlyǵynda (4-eýi nokaýtpen) jeńiske jetken.
