Qazaqstandyq boksshy Dáýren Eleýsinov WBC tıtýly úshin judyryqtasady
NUR-SULTAN. QazAqparat – Qazaqstandyq boksshy Dáýren Eleýsinov (8-0-1, 7 KO) kelesi jekpe-jegi qashan bolatyny jarııalandy, dep habarlaıdy QazAqparat.
Dáýren Eleýsinov 15 tamyzda Meksıkanyń Gvadalahara qalasynda judyryqtasady. Eleýsinovtiń qarsylasy Meksıka boksshysy Hýan Karlos Raıgosa (16-15-3, 6 KO) bolady, boksshylar WBC International atalymy boıynsha ortasha salmaqta chempıon beldigi úshin judyryqtasady.
Sports.kz saıty taratqan málimetke qaraǵanda, WBC-diń bul dıvızıondaǵy álem chempıony – amerıkandyq boksshy Djermall Charlo (30-0, 22 KO). Ol meksıkalyq boksshy Saýl Alvareske (53-1-2, 36 KO) «franchaızıng» chempıony mártebesiniń berilýine baılanysty álem chempıony atanǵan.
