Qazaqstandyq boksshy Dáýren Eleýsinov El Heımonmen kelisim-shartqa qol qoıdy
ASTANA. QazAqparat - 28 jastaǵy jartylaı aýyr salmaqtaǵy qazaqstandyq boksshy Dáýren Eleýsinov kásibı bokstegi eń yqpaldy adam El Heımonmen kelisim-shartqa qol qoıdy. Bul týraly boxingscene.com saıtyna silteme jasap, boxingnews.kz habarlaıdy.
El Heımon kóptegen tanymal boksshylardyń menedjeri jáne keńesshisi, olardyń arasynda atap aıtqanda, P4P reıtıngisiniń kóshbasshysy Floıd Meıvezer de bar.
Eske sala keteıik, D.Eleýsinov 2014 jylǵy 3 jeltoqsanda Nıý-Iorkte profı-rıngte debıýttik saıysyn ótkizip, jas amarıkandyq Entonı Meddondy birinshi raýndyda nokaýtqa jiberdi. Qazirgi kezde qazaqstandyq boksshy Brýklınde (Nıý-Iork) jattyýda.
