Qazaqstandyq boksshy Bobyrjan Momynovqa chempıondyq beldik tabystaldy

NUR-SULTAN. QazAqparat - Qazaqstandyq kásipqoı boksshy Bobyrjan Momynovqa jeńiske jetkenimen, alty aıdan keıin chempıondyq beldik tabys etildi, dep habarlaıdy QazAqparat.

«Kelesisi Intercontinental chempıonynyń beldigi emes, jartylaı ortasha salmaqtaǵy álem chempıonynyń beldigi bolar degen úmittemin», - deıdi Bobyrjan Momynov.

Qazaqstandyqqa beldikti Ulttyq boks qaýymdastyǵynyń (NBA) prezıdenti Deımon Gonsales uıymnyń shtab-páterinde tabys etti. Endigi kezekte, Bobyrjan Momynov - jartylaı ortasha salmaqta NBA Intercontinental resmı chempıony sanalady.

Júldeni boksshy gúrjilik boksshy Anzor Gamgebelıdi jeńgeni úshin alyp otyr. Atalmysh kezdesý 2018 jyldyń qyrkúıek aıynda bolǵanyn atap ótý kerek. Sol aıqasta otandasymyz kezdesýdi ýaqytynan buryn aıaqtaǵan bolatyn. Osydan keıin qazaqstandyq amerıkalyq Djonatan Stıldi jeńgen. Alaıda belgisiz sebeptermen beldik boksshyǵa keshigip berilip otyr.

Eske sala ketsek, ótken jyldyń shilde aıynda Beıbit Shúmenov pen Hamıt Altynkaı aıqasynyń anderkartynda sharshy alańǵa shyqqan qazaqstandyq kásipqoı boksshy Baýyrjan Momynov Grýzııadan kelgen Gıorgı Blııadzeni de utqan bolatyn.